VIDEO. Gagauz yazıcısı seslendirdi halk masalını da video hazırladı

473

İnternettä peydalandı «Piperku» gagauz halk masalının  seslendirilmiş videosu. Onu hazırladı gagauz yazıcısı Güllü Karanfil.

Nasıl geldi olä bir fikir hem planda var mı başka videolar CESMA.MD sordu avtora.

«Küçücüklerimiz karantinada evdӓ oturȇrlar. Onnar rusça çok işlӓr siirederlӓr evdӓ, ama arada ana dilindӓ da bişey olsun düşündüm da bölӓ bir video yaptım. Masallar bizim varlıımız! Uşaklar hem iilensin, hem dӓ bilgilerini zenginnetsinnӓr istedim. Dili sevdirmӓӓ deyni primitiv bir yol bu videolar, ama bu da bir damna! Üç video taa planımda var. Ama bu iş taa kaliteli olsun deyni o yaratmaları lӓӓzım yazmaa özel yerlerdӓ hem dӓ seslendirsin lӓӓzım profesional aktörlar. Düşünerim, ani bu masallar gelecektӓ var nasıl çizgi filmi olsun. Fondda sanȇrım, bu işlӓr için para var. Çünkü dilimizi uşacıklar var nasıl yaşatsın. Videoda kullandıım gözӓl resimnӓr için Natalya Kojoharӓ şükür ederim. Hepsinӓ sadӓ bir ricam var: dilimiz yaşasın deyni bu videoları paylaşın, taa çok uşak siiretsin masalı. Bu yılın bitkisindӓ da uşacıklara bir sürpriz olacȇk», — sölädi Güllü Karanfil.

Biraz ileri yazıldı ani Çeşmäküüyün yaşayanı Alla Büük kurȇr videoları, angıları yardım ederlär uşaklara üürenmää gagauz dilini.

Этот веб-сайт использует файлы cookie, чтобы у вас был лучший пользовательский интерфейс. Принять Конфиденциальность

Политика конфиденциальности