Çeşmaküü liţeinda «Ana dili» yortusu. Başarılar.
Ana dilim –tatlı bal! Ana dilim –yaşamam, acım, sancım! Nekadar mı dalgalandıran bu laflar, canını dürtän, yalpaklıı, sıcaklıı hem kuytuluu üreemizä döşedän! Anadan hem Ana dilindän bişey, sanki, var mı taa paalı, taa cana yakın, taa ayozlu!? Vatanını, duuma köşesini sevän insan hiç bir kerä Ana dilindän atılmaz! Bu lafları inandırmaa deyni, isteeriz tanıştirmaa Canabileri «Ana dili» gününä baaşlanan yortunun çıkışlarınnan, angısı geçirildi Çicek ayında teoretik liiţeydä.
5-10-uncu klastakı üürenicilär pay aldılar türlü uurda yarışmklarda: duvar gazetası «Paalı Ana dilim» hem «Ay Boba Mihail Çakir-bizim aydınnadıcımız», «Atılma dilindän halkım» yaratma yazmasında, «Şıralı ana dilim» şiir okumasında; 10-uncu klаs donattı etnografiya köşesini «Mutlu gagauz aylesi» hem hazırladı pek uygun, zengin prezentaţiya «Zamandaş Gagauz dili hem onun ilerlenmesi». Buyurunuz, tanışınız başarlarımızlan!
Duvar gazetası yarışmasında «Paalı Ana diim» hem «Ay Вoba Mihail Çakir –bizim aydinnadıcımız» pay alannar yaratıcıılıını gösterdiär da kutlandılar hem metinnik kiyadınnan ödüllendilär:
l er- 5-inci klastan üürenicilär Boeva Diana, Pançeva Albina, Momça Kristina;
8-inci klas – Mihnioglo Ariadna;
10-uncu klas – Mutaf İrina;
ll er— 7-nci klas – Pulukçu Mariya;
9-uncu klas – Kasap Janna, Petiş Yuliya, Moldovan Alöna;
10-uncu klas – Stoyanova Tatiana;
lll er— 7-inci klas – paylaştılar Daradur Karina hem Kasatina Valentina;
10-uncu klas – Duloglu Tatiana.
«Şıralı Ana dilim» şiir yazmasında hem duygulu okumakta pay aldı 7-nci klas da kutlanıldı hem metinnik kiyadınnan ödüllendi:
l er – Belekçi Viktoriya;
ll er – Staneva Yuliya;
lll er – Rıbalko Valeriya.
Yaratma yazmasında «Atılma dilindän halkım» üüsek uurda becerikliini gösterdilär 9-uncu klastan üürenicilär da kutlandılar hem metinnik kiyadınnan ödüllendilär:
l er – Urum Oksana
ll er – Petiş Mariya;
İsteeriz çizgilemää da şükür etmää 10-uncu klastakı üürenicileri, angıları köşeyi «Mutlu Gagauz aylesi» düzdülär hem zengin ilindelikli bir prezentaţiyayı hazırladılar — Belekçi Tatiana hem Terzi Lüdmila.
Hep ölä çizgileeriz hem şükür ederiz «Total diktant» yazmasında pay alan üürenicilerä Momça Tatianaya, Urum Oksanaya hem Stoyanova Tatianaya.
Var umudumuz, ani Ana dilimizi insan koruyacek, çünkü sade ozaman biz VAR olacez bu aydınnık dünnedä!
Gagauz dili hem literatura üüredicisi Elena Kiosea.