FOTO. Çeşmäküündä geçti Gagauzlogika yarışması Kongaz hem Çeşmäküü 10-сг klasların arasında

Gagauz dilinin genișletmesi hem ilerlemesi Programasına görä hem «Gagauz dili hem literaturası» Haftasının çercevesindä olaylar.

Çiçek ayın irmi dördündä Çeşmäküü teoretik liţeydä geçti T. Zanet adına Kongaz teoretik liţeyin üürenicilerinnän hem üüredicilerinnän «Ana dili yortusuna» adlanan buluşmak.

«Açêrız Gagauziyayı! Lafederiz gagauzça!» teklifi kabledip, dostluk, bilgi, sevgi ana dilinä atmosferası kapladı herkezin canını inanılmaz sıcaklıklan! Buluşmak programasının çerçevesindä iki komanda arasında geçti «Gagauzlogika» intelektual oyunu. Emoţiyalı yarışmak gösterdi istoriya, literatura,dil uurunda kabledilmiş bigilerin faydasını hem 10-uncu klasta üürenän lițeyistlerin aktiv pay almasını soruşların çözülmesindä. Açık konuşmak, musaafircilik adetleri, tatlı laf zenginnii, dostlaşmak duyguları verdilär kolaylık geçirmää Çeşmäküü anılmış erlerin siiretmesini hem tanışmasını bütün candan — ürektän!

Şükür ederiz Dima Yanul, Rişilän Dora, Anna Şerban, Bordey Valentina, Yaratıcılık evi, Çeşmäküü Muzeyi musaafirlerä açık kapunuz hem kalbiniz için! Saygılarımızlan, gagauz dili hem literaturası kafedrası Çeşmäküü teoretik liţeyi.